Bu gün futbol üzrə İngiltərə Liqa Kubokunda 2024/2025-ci illər mövsümünün yarımfinal mərhələsinin ilk oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
“Arsenal” doğma meydanda “Nyukasl”la qarşılaşıb. “Topçular” bu oyunda 2 cavabsız qolla uduzublar.
Yarımfinalın digər görüşü sabah “Tottenhem”lə “Liverpul” arasında baş tutacaq.
Qeyd edək ki, İngiltərə Liqa Kubokunda yarımfinal mərhələsinin cavab oyunları fevralın 5-də və 6-da keçiriləcək.
İngiltərə, Liqa Kuboku
Yarımfinalın ilk oyunları
7 yanvar
Arsenal – Nyukasl 0:2
Qollar: A.İsak, 37. A.Qordon, 51.
8 yanvar
00:00. Tottenhem – Liverpul
