ABŞ-ın yeni seçilmiş prezidenti Donald Tramp Kanadanın ona qoşulacağı təqdirdə Birləşmiş Ştatların necə görünəcəyini göstərib.
Ajans.az xəbər verir ki, gələcək Amerika lideri çərşənbə axşamı öz Truth Social hesabında xəritə yerləşdirib. Bu xəritədə Kanada və ABŞ eyni rəngə boyanıb, beləliklə, Birləşmiş Ştatlar adlı vahid ölkə meydana gətirir.
Qeyd edək ki, Tramp bir çox kanadalının ölkələrinin ABŞ-ın 51-ci ştatı olmasının tərəfdarı olduğunu bəyan etmişdi. O, hesab edir ki, belə birlik Kanadaya nəinki iqtisadi sabitlik gətirəcək, həm də onu ABŞ-ın seçilmiş prezidentinin sözlərinə görə, Rusiya və Çin gəmilərindən gələn xarici təhlükələrdən qoruyacaq.
