Fransa Prezidenti Emmanuel Makron dekabrın 6-da "Səfirlər Konfransı 2025" tədbirində çıxışı zamanı Azərbaycanı ölkəsinin dənizaşırı ərazilərinə müdaxilə etməkdə günahlandırıb.
"Fransa son aylarda bir çox dənizaşırı ərazilərində, xüsusilə də yeni Kaledoniyada Azərbaycan tərəfindən qəbuledilməz müdaxilələrlə üzləşib. Bizim beynəlxalq hüququ və Ermənistanı müdafiə etdiyimizi anlamayan Azərbaycan bununla məsələni həll edə biləcəyini düşünür", - Fransa lideri bildirib.
Bundan əlavə, Macron Rusiyanın Ermənistanla müttəfiqlik əlaqələrində dəyişiklik etdiyini və Azərbaycanı dəstəklədiyini deyib.
Azərbaycan Xarici İşlər Nazirliyi Fransa liderinin çıxışını "təxribat dolu açıqlama" adlandırıb və bunun "qəbuledilməz" olduğunu bildirib.
Qurumun açıqlamasında qeyd olunub ki, Azərbaycanın apardığı müharibə yalnız Ermənistan işğalına son qoymaq məqsədi daşıyıb.
"Bölgədə sülh üçün real şərait yarandığı bir dönəmdə, Azərbaycanın öz əraziləri üzərində suverenliyini sual altına qoyan, Ermənistanı revanşizmə hazırlayan, bu ölkənin geniş şəkildə silahlanmasını həyata keçirən Fransanın bu kimi təhrikçi açıqlamalarını qətiyyətlə pisləyirik" – Azərbaycan Xarici İşlər Nazirliyinin bəyanatında qeyd olunub.
Rəsmi Bakı həmçinin, Fransanın dənizaşırı ərazilərdə apardığı uğursuz fəaliyyətə görə Azərbaycanı ittiham etməsini "yanlış siyasət" adlandırıb.
Videoya YouTube kanalımızda baxın.
