1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Qəbələ" futbol klubunun azyaşlı uşaqlardan ibarət komandalarının soyuq aylarda məşq keçdiyi manej güclü külək nəticəsində yararsız vəziyyətə düşüb. Klub rəsmiləri həmin stadionun bərpası üçün xaricdən mütəxəssislər dəvət ediblər. Manejin bərpasına yaxın günlərdə başlanılacaq.
Bunu Oxu.Az-a açıqlamasında "Qəbələ" klubunun idman direktoru Səbuhi Səfiyarlı deyib.
"Xaricdən gələn mütəxəssislər stadionun bərpa oluna biləcəyini dedilər. Artıq nə qədər vəsaitin lazım olduğu hesablandıqdan sonra bərpa prosesinə başlayacağıq.
Akademiyanın az yaşlı futbolçuları hazırda hava şəraiti normal keçdiyindən digər üstüaçıq stadionlarda məşqlərini keçirlər. Hava şəraiti kəskin formada dəyişmədiyi müddət ərzində azyaşlı uşaqların məşqlərində heç bir problem olmayacaq", - deyə S.Səfiyarlı bildirib.
Anar Həsənov
