"Qarabağ" qış toplanışına tam heyətlə başlaya bilməyib.
Fanat.Az xəbər verir ki, bunu "köhlən atlar"ın baş məşqçisi Qurban Qurbanov "Kəpəz"lə keçirilən yoxlama oyunundan (5:1) sonra jurnalistlərə açıqlamasında deyib.
Təcrübəli mütəxəssis qış hazırlığını dəyərləndirərkən komandada olan itkilərdən danışıb:
"Bədavi Hüseynovun zədəsi davam edir. Abdullah Zubirin qızdırması var idi, məşqlərə qoşulmurdu. Yassin Benzia isə ölkəsindən geri qayıtmayıb. Çünki anasının vəziyyəti yaxşı deyil. Məncə, yanvarın sonuna qədər hər şey qaydasına düşəcək".
Qeyd edək ki, "Qarabağ" bu gün "Azərsun Arena"da keçirilən yoxlama oyununda "Kəpəz"ə 5:1 hesabı ilə qalib gəlib.
