Türkiyənin Nəqliyyat və İnfrastruktur naziri Abdulkadir Uraloğlu bildirib ki, Türkiyə yaxın günlərdə Dəməşqə uçmağı planlaşdırır.
“Yaxın günlərdə Türkiyədən (Dəməşqə) uçmağı planlaşdırırıq... Dəməşqlə İstanbul arasında əlaqə qurulanda aktual problemi həll edəcəyik. Biz bu məsələ ilə bağlı işimizi davam etdiririk”, - deyə Uraloğlu bildirib.
QHT.az xəbər verir ki, NTV telekanalına müsahibəsində türkiyəli nazir bildirib ki, hava limanında radar sistemi işə düşdükdən sonra İstanbulu Dəməşqlə birləşdirən müntəzəm reyslər planlaşdırılır. Müntəzəm uçuşların başlanması üçün dəqiq tarixlər vermədən o, çox güman ki, bunun üç-dörd aydan çox çəkməyəcəyini söylədi. Bu həftənin əvvəlində Bəşər Əsəd rejiminin devrilməsindən sonra Suriyaya ilk beynəlxalq kommersiya reysi Qətər Hava Yolları Dəməşq Beynəlxalq Hava Limanına eniş etdiyi zaman həyata keçirilib.
Qatar Airways ötən həftə Dəməşqə həftədə üç uçuş həyata keçirəcəyini açıqlamışdı.
R.İmanov
