İspaniya çempionu və Çempionlar Liqasının qalibi “Real Madrid” Səudiyyə Ərəbistanında keçirilən İspaniya Superkubokunun final mərhələsinə yüksəlib.
Yeniavaz.com xəbər verir ki, italiyalı Karlo Ançelottinin rəhbərlik etdiyi komanda yarımfinalda İspaniya kubokunun final mərhələsinin iştirakçısı “Malyorka”nı 3:0 hesabı ilə məğlub edib.
Matçda hesabı 63-cü dəqiqədə “Kral klubu”nun ingilis yarımmüdafiəçisi Cud Bellinqem açıb.
Əlavə edilmiş üçüncü dəqiqədə “Malyorka”nın slovakiyalı müdafiəçisi Martin Valient topu öz qapısından keçirib. 2 dəqiqə sonra isə (90+5) “Real”ın braziliyalı hücumçusu Rodriqo fərqlənib.
