Almaniya kansleri Olaf Şolts Kiyevə Xarici İşlər Nazirliyi və Müdafiə Nazirliyinin rəhbərləri Annalena Barbok və Boris Pistorius tərəfindən irəli sürülən 3 milyard avro məbləğində əlavə hərbi yardım paketinin ayrılmasına mane olur.
Ölkə.Az xəbər verir ki, bu barədə “Der Spiegel” nəşri mənbələrinə istinadən məlumat yayıb.
Nəşrin yazdığına görə, nazirlər fevralın 23-nə təyin edilmiş Bundestaq seçkilərinə qədər əlavə 3 milyard avro həcmində yeni hərbi yardım göstərmək istəyirlər.
"Almaniya Sosial Demokrat Partiyası hesab edir ki, Şolts seçki marafonunun ortasında Kiyevə yeni yardım elan etmək niyyətində deyil", - “Der Spiegel” yazıb.
Qeyd edək ki, Almaniyanın 2025-ci ilin büdcəsində Ukraynaya təxminən 4 milyard avro həcmində hərbi yardım nəzərdə tutulub.
Mürtəza
Ölkə.Az
