Səudiyyə Ərəbistanının ev sahibliyi etdiyi İspaniya Superkubokunun yarımfinal matçında qalmaqal yaşanıb.
“Cebheinfo.az” xəbər verir ki, "Real Madrid"in "Malyorka"ya 3:0 hesabı ilə qalib gəldiyi matçdan sonra futbolçuların həyat yoldaşları icazəsiz şəkillərinin çəkildiyini və təzyiqlərə məruz qaldıqlarını bildiriblər.
Hadisələrdən sonra təşkilatdakı təhlükəsizlik zəifliyi ciddi tənqidlərə məruz qalıb.
“Real Mallorca”nın futbolçusu Dani Rodrigezin həyat yoldaşı Kristina Palavra Səudiyyə Ərəbistanın Kral Abdullah Sports City Stadionunda keçirilən oyundan sonra Dominik Qreyfin həyat yoldaşı Natali ilə birlikdə təzyiqlərə məruz qaldığını açıqlayıb.
Kristina Palavra matçdan sonra baş verənlər haqqında, "Çıxışda çətin anlar yaşadıq. Uşaqlarımızla birlikdə idik və heç bir təhlükəsizlik tədbiri görülməmişdi. Stadiondakı bəzi kişilər bizim yaxından fotomuzu çəkib narahat etdi. Natali də eyni vəziyyəti yaşadı" deyib.
