Ötən həftə PKK terror təşkilatının lideri Abdullah Öcalanı ziyarət edən DEM Partiyasının nümayəndə heyəti bu dəfə həbsxanada HDP-nin keçmiş həmsədri Səlahəddin Dəmirtaşla görüşüb.
Teleqraf.com xəbər verir ki, nümayəndə heyətinə DEM-in millət vəkilləri Pərvin Buldan və Sırrı Süreyya Öndər, eləcə də Mardin böyükşəhər bələdiyyəsinin sədri Əhməd Türk daxildir.
DEM Partiyasının nümayəndə heyəti görüşdən sonra açıqlama verib.
“Dəmirtaş prosesi tam dəstəklədiyini bildirib”, - Sırrı Süreyya Öndər deyib.
Ahmet Türkün açıqlaması isə belədir:
“İnanıram ki, Türkiyədə kürdlərin türkə, türklərin isə kürdlərə ehtiyacı var. Məqsədimiz xalqlarımızın qardaşlığıdır”.
Müəllif: Mənsur Rəğbətoğlu
