"Vahid Rusiya" partiyasından olan Dövlət Dumasının deputatı Nikita Çaplin 2025-ci ildə vətəndaşlar üçün sosial pensiyaların planlaşdırılmış indeksasiyasını elan edərək, artımın vaxtını və faizini göstərib.
Ajans.az xəbər verir ki, deputatın açıqlamasına görə, 2025-ci ilin aprelindən sosial pensiyalar 14,75 faiz indeksləşdiriləcək. İndeksləşdirmə nəticəsində sosial pensiyanın ölçüsü 15 456 rubl təşkil edəcək.
Çaplin Rusiyada gələn ilin aprelindən sosial pensiyaların 14,75% artırılacağını vurğulayıb. Pensiya və Sosial Sığorta Fondunun 2025–2027-ci illər üçün büdcəsi haqqında qanun bu il noyabrın sonunda təsdiq edilib.
Bununla əlaqədar olaraq, 2025-ci il aprelin 1-dən indeksasiya nəticəsində sosial pensiyaların məbləği artırılacaq. Pensiyaların indeksləşdirilməsi sonrakı illər üçün də planlaşdırılır: 2026-cı ildə 4,5%, 2027-ci ildə isə 4% təşkil edəcək.
Qeyd edək ki, sığorta pensiyası əmək (sığorta) stajı olan və qanunvericiliklə müəyyən edilmiş yaşa çatmış vətəndaşlara aylıq ödənilir.
