Kaliforniya ştatının Los-Anceles dairəsini əhatə edən yanğınlar nəticəsində azı 24 nəfər həlak olub.
Bakıvaxtı.az xəbər verir ki, bu barədə "Fox News" telekanalı məlumat yayıb.
Ölənlərin əksəriyyətinin şəxsiyyəti hələ müəyyən edilməyib. Daha əvvəl 16 nəfərin öldüyü, daha 13 nəfərin itkin düşdüyü bildirilirdi.
Qeyd edək ki, yanvarın 7-də Los-Anceles qraflığında meşə yanğınları yayılmağa başlayıb. Meteoroloqların sözlərinə görə, yanğının sürətlə yayılmasına quru və çox küləkli hava səbəb olub. Rayonda yanğınların ümumi sahəsi 16 min hektarı ötüb. Yanğın 12300-dən çox binanı, o cümlədən prestijli ərazilərdə məşhurların mülklərini məhv edib. ABŞ-ın hazırkı prezidenti Co Baydenin oğlu Hunter, aktrisa və model Paris Hilton, aktyor və rejissor Mel Gibsonun evləri yanıb.
Amerika prezidenti Co Bayden Kaliforniyada baş verən yanğınları ştatın tarixində ən böyük və ən dağıdıcı yanğın adlandırıb.
Murad Məmmədli
