Prezident Co Baydenin səlahiyyət müddəti başa çatan administrasiyası yerli istehsal olan yarımkeçiricilərin və süni intellekt texnologiyalarının ixracı qaydalarını təsdiqləyib. AFN.az xarici mediaya istinadən xəbər verir ki, bu barədə Ağ Evin mətbuat xidmətinin yaydığı bəyanatda deyilir.Sənədə görə, Vaşinqton rəhbərliyi hesab edir ki, süni intellekt sürətlə təhlükəsizlik və iqtisadi gücdə əsas amilə çevrilir. "Birləşmiş Ştatlar bu keçidə rəhbərlik etmək üçün qətiyyətlə hərəkət etməli və Amerika texnologiyasının bütün dünyada süni intellektdən istifadənin əsasını qoymasını və rəqiblərin qabaqcıl süni intellektdən asanlıqla sui-istifadə edə bilməməsini təmin etməlidir", - deyə Ağ Evdən bildirilib. Yeni qaydalara əsasən, ABŞ heç bir məhdudiyyət olmadan 18 müttəfiq və tərəfdaş ölkəyə yarımkeçiricilər və süni intellekt texnologiyaları təqdim edə bilər. Məhdudiyyətlər həmçinin bu ölkələrdə yerləşən, eləcə də ABŞ-ın özündə təhlükəsizlik tələblərinə cavab verən özəl şirkət və təşkilatlara şamil edilmir. Bundan əlavə, Vaşinqton süni intellekt texnologiyalarının tədarükünə kvota və Birləşmiş Ştatların narahatlıq doğuran kimi təsnif etdiyi ölkələrdə deyil, müttəfiq və tərəfdaş dövlətlərdən kənarda yerləşən şirkətlər və təşkilatlar üçün müvafiq lisenziyanın alınması tələbini tətbiq edir.ABŞ "ən güclü" süni intellekt modellərinin narahatlıq doğuran ölkələrə ötürülməsinə məhdudiyyətlər qoyur. Bundan əlavə, tənzimləmə süni intellekt texnologiyalarında istifadə edilən qabaqcıl çiplərin bu ölkələrə tədarükünə mövcud qadağanı təsdiqləyir. Birləşmiş Ştatların qadağa siyahısına Rusiya, Çin, Belarusiya, KXDR, həmçinin Əfqanıstan, Venesuela, Haiti, DRC, Zimbabve, İran, İraq, Kamboca, Kuba, Livan, Liviya, Myanma, Nikaraqua, Suriya, Somali, Mərkəzi Afrika ölkələri Eritreya, Cənubi Sudan daxildir. Yeni qaydalar 120 gün ərzində qüvvəyə minəcək. ABŞ-ın yeni seçilmiş prezidenti Donald Trampın növbəti administrasiyası beləliklə məsələni hərtərəfli öyrənə və lazım gələrsə, bu reqlamentə dəyişiklik edə bilər.
