ABŞ Prezidenti Co Bayden Vaşinqtonun Kiyevə dəstəyinin Rusiya ilə nüvə qarşıdurması riski yaratdığını bildirib.
“Qafqazinfo” xarici mətbuata istinadən xəbər verir ki, o, bu barədə xarici siyasətlə bağlı yekun çıxışında bildirib.
“Mənim iki məqsədim var idi: Ukraynanın müdafiəsi üçün dünyanı birləşdirmək və iki nüvə dövləti arasında müharibədən qaçmaq. Hər ikisinin öhdəsindən gəldik”, - deyə o bildirib.
Bayden həmçinin bildirib ki, ABŞ və müttəfiqləri Ukraynaya dəstəkdən əl çəkə bilməzlər və Kiyevə yardımı davam etdirməlidirlər.
Rusiya Xarici İşlər Nazirliyinin rəsmi nümayəndəsi Mariya Zaxarova Baydenin Rusiya ilə nüvə münaqişəsinin riskləri barədə son açıqlamasını şərh edib.
“Bayden başa düşdü ki, Ukrayna hakimiyyətini dəstəkləməklə dünyanı nüvə uçurumuna sürükləyir və münaqişəni qızışdırmağa davam edir. Baydenin bugünkü bəyanatı qəsdən edilmiş təxribatın etirafıdır. Bayden administrasiyası bunun dünyanı fəlakət həddinə çatdırdığını bilirdi, amma yenə də münaqişəni qızışdırdı”, - XİN sözçüsü teleqram kanalında bildirib.
Zaxarova əlavə edib ki, Rusiyanı nüvə sabitliyini pozmaqda ittiham edənlərin hamısı özlərini saxta məlumatlar yayanlar kimi təqdim etməlidirlər.
