İbrahim Kalınla "Həmas" siyasi bürosunun səlahiyyətliləri arasında telefon danışığı olub

Türkiyənin Milli Kəşfiyyat Təşkilatının (MİT) rəhbəri İbrahim Kalın ilə "Həmas" siyasi bürosunun səlahiyyətliləri arasında telefon danışığı olub. Təhlükəsizlik mənbələrinin verdiyi məlumata görə, tərəflər İsrail ilə "Həmas" arasında Qəzzada atəşkəsin təmin edilməsi ilə bağlı aparılan danışıqlarda əldə olunan irəliləyişi müzakirə ediblər. Telefon danışığı zamanı həmçinin, Qəzzada atəşkəsin əldə olunması ilə bağlı müzakirələrin davam etdirilməsi barədə razılığa gəlinib.