Ötən müddət ərzində işğaldan azad edilən ərazilərdə Azərbaycanın yalnız öz gücü, maliyyə vəsaitləri hesabına işlər görülüb.
Bunu Baş prokuror Kamran Əliyev prokurorluq orqanlarında qulluğa yeni qəbul edilmiş gənc əməkdaşların Baş Prokurorluqda andiçmə mərasimi zamanı deyib.
Onun sözlərinə görə, heç bir dövlətdən, beynəlxalq təşkilatdan yardım almadan Qarabağ və Şərqi Zəngəzurun yenidən qurulması, bərpa edilməsi Azərbaycanın iqtisadi qüdrətinin göstəricisidir.
