Los-Anceles (Kaliforniya) sakinləri yanğınları söndürmək üçün su çatışmazlığı səbəbindən yerli su və enerji departamenti LADWP-ni məhkəməyə verib.
Bloomberg bu barədə iddia sənədinə istinadən xəbər verir.
“Ev sahibləri ABŞ-ın ən böyük bələdiyyə kommunal xidməti olan Los-Anceles Su və Enerji Departamentinə qarşı iddia qaldırıblar”, – deyə məlumatda bildirilir.
İddiaçıların sözlərinə görə, şəhər ərazisində su anbarının drenajı, eləcə də hidrantlarda su təzyiqinin kifayət qədər olmaması səbəbindən yanğınsöndürənlərin yanğını söndürməkdə çətinlik çəkib.
Qeyd olunur ki, yanğının səbəbləri hələ də araşdırılır.
DOĞRU.AZ
