Türkiyədə daha əvvəl binanın anbarını yandıran narkotik aludəçisi İbrahim A. bu dəfə bir qadın gözəlik salonunu yandırmağa cəhd edib.
Medianews.az “Sözcü”yə istinadən xəbər verir ki, hadisə ötən gün saat 22:30 (Bakı saatı ilə 23:30) radələrində, gözəllik salonların birində baş verib.
Təhlükəsizlik kamerasından yanğını görən iş yerin sahibi Tangül Dinekli polislərə məlumat verib.
Xəbər verildikdən sonra əraziyə xilasetmə və polis qrupları sövq edilib. Yandırma cəhdi uğursuzluqla nəticələnib və iş yerinə heç bir ziyan dəyməyib. Hadisəni törədən şəxsi axtarmağa başlayıblar.
Bir müddət sonra məhəllə camaatı mağazanın yerləşdiyi küçəyə qayıdan İbrahim A.-nı görüb və onu təqib ediblər. Sözügedən şəxs isə, onu qovan məhəllə sakininin başına çubuqla vuraraq qaçıb.
Bu arada hadisə təhlükəsizlik kamerasına da düşüb. Görüntülərdə İbrahim A.-nın paltar və bəzi əşyaları qapının qarşısına atdığı, daha sonra alışqanla alışdırdığı və bir müddət sonra alovlanan paltarların öz-özünə söndüyü görülüb.
Məhəllə sakinlərinin ifadələrinə istinad edən polis qrupları İbrahim A-nı tutmaq üçün əməliyyat başladıb.
