NASA peykləri Xəzər dənizində “yoxa çıxan” adanı qeydə alıb.
AzEdu.az xəbər verir ki, NASA peykləri Kumani palçıq vulkanının püskürməsindən sonra meydana çıxan, lakin sonradan "yoxa çıxan" adanı qeydə alıb.
Məlum olduğu kimi, ABŞ-nin NASA Kosmik Agentliyinə məxsus Landsat 8 və 9 kosmik gəmisi 2022-ci ilin noyabr ayından 2024-cü ilin dekabr ayınadək Xəzər dənizinin sahil zolağında tədqiqatlar aparıb və bununla da “xəyali” adanın kəşfinə kömək edib. Onun Azərbaycanın şərq sahillərindən 25 kilometr uzaqda yerləşdiyi məlum olub.
Çigil dəniz adlanan bu ada 2023-cü ilin əvvəlində baş vermiş Kumani palçıq vulkanının həddindən artıq püskürməsindən sonra Xəzər dənizinin sularında yaranıb. 2024-cü ilin sonuna qədər demək olar ki, tamamilə bulanıqlaşıb, gözdən itib
İnternetdə bu ada “xəyali ada" adlanır, çünki o, qədim nağıllarda və dəniz quldurları haqqında əfsanələrdəki məşhur adalar kimi dəniz sularında yoxa çıxıb.
Tədqiqatçılar azı bir neçə dəfə Kumani palçıq vulkanının kifayət qədər güclü püskürmələrini qeydə alıblar, bu zaman oxşar müvəqqəti adalar yaranıb. İlk rəsmi qeydə alınmış püskürmə 1861-ci ildə baş verib.
Sonra Kumaninin səkkiz püskürməsi qeydə alınıb ki, partlayışlar nəticəsində iki gündən çox olmayan və müxtəlifölçülü müvəqqəti adalar yaranıb.
Bu günə qədər ən güclü püskürmə 1950-ci ildə qeydə alınıb. Bu hadisə nəticəsində 700 metr eni və altı metr hündürlüyü olan müvəqqəti ada yaranıb.
Bu dəfə də yaranan müvəqqəti ada uzun müddət qalmadı və 2024-cü ilin sonunda yenidən yoxa çıxdı.
“Azərbaycan müəllimi” qəzeti
