RU
Темы
Общество
14.01.2025 ◦ 14:14

Sosioloq: “İndi arıq, sinəsi və ombası böyüdülmüş, dodaqları şişirilmiş, çənəsi itilənmiş qadınlar etalon sayılır”

Son günlər ölkədə və dünyada plastik əməliyyat edənlərin sayı çoxalıb. Bəzi insanlar məcbur qalmadıqları şəkildə belə bıçaq altına girməyi seçirlər. Maraqlıdır ki, plastik əməliyyatı insanlarda bu qədər təbliğ edənlər kimlərdir?

Mövzu ilə bağlı sosioloq Lalə Mehralı Demokrat.az-açıqlamasında bildirib ki, bütün zamanlarda zəriflik və incəlik anlayışı gözəllik və cəlbediciliyin göstəricisi kimi qəbul edilib:

“Amma zəriflik böyük ombalar, şar kimi şişirilmiş süd vəziləri, bir qarış irəliyə sıçramış dodaqlar, kəsilməkdən yoxa çıxmış burun olmayıb. Hər dövrün öz gözəllik trendləri olur. Çox qadın bu yolda öz sağlamlığından, təbii görüntüsündən olur. Qaş düzəltmək yerinə vurub göz çıxarmaqları onlara baha başa gəlir. Kaman qaşlar, incə dodaqlar gözəllik etalonu sayılmayalı çox zaman olub. İndi arıq, sinəsi və ombası süni formada böyüdülmüş, qaşları rənglənmiş, dodaqları şişirilmiş, çənəsi itilənmiş qadınlar etalon sayılır. Təbii ki, gözəllikdən anlamayanlar üçün”.



Sosioloq onu da qeyd edib ki, gizli şəkildə bu proses təbliğ edilir:

“Bu vəziyyətə qadınlarımız birdən-birə gəlmədi. İllərdir gizli-aşkar buna hazırlıq prosesi gedirdi.  Sizə, “Barbie” gəlincikləri sadəcə uşaqlar oynasın deyə istehsal edilirdi? 

Əlbəttə ki, yox. O gəlincikləri xüsusi planla hazırlayırdılar, sarı saçları, ətli dodaqları, uzun ayaqları, göy gözləri, dartılmış qaşları,  dik sinəsi və ombası qız uşaqlarının hələ körpəlikdən gözəllik standartlarını formalaşdırırdı.  

Eləcə də filmlərdə, seriallarda bu standartlara uyğun qızlar çəkilirdi, reklamlarda onlara xüsusi yer verilirdi. Beləcə insanların gözəllik standartlarını yavaş-yavaş dəyişdilər. Spesifik görünüşü ürəkləri titrədən, saf gözəlliyi ilə əks-cinsi riqqətə gətirən qızlar yoxdur daha. Nə o qönçə dodaqlar var, nə sümüyü azacıq qabarıq burunlar, nə alma yanaqlar. 17-18 yaşadək tibbi prosedurlar, müdaxilələr enib ”. 


Leyla Turan
Demokrat.az
Избранный
42
49
demokrat.az

10Источники