Çin Xalq Respublikasının Baş Gömrük İdarəsinin məlumatlarına görə, Çinin xarici ticarəti 2024-cü ildə 992 milyard dollarlıq müsbət saldo göstərib. Müsbət xarici ticarət saldosu 2023-cü illə müqayisədə 20% artıb.
Marja xəbər verir ki, bu tendensiya Qərb idxalçılarının 2025-ci ildə mümkün ticarət müharibəsini gözləməsi və ABŞ prezident seçkilərində qalib gələn Donald Trampın yüksək tariflər tətbiq etməsindən əvvəl daşımaların sürətləndirilməsi ilə bağlıdır.
Lakin 2024-cü ilin sonunda Çindən tədarükün artımı təkcə ABŞ-da qeydə alınmayıb. Məsələn, ölkənin Vyetnama ixracı 17,7% artıb.
Mütəxəssislərin fikrincə, Çinin ixracının artmasına Çin daxilindəki güclü deflyasiya da təsir edib ki, bu da zəif daxili tələb fonunda xarici bazarları, məsələn, avtomobil bazarlarını fəth etməyə çalışan Çin istehsalçılarının qiymətlərinin düşməsinə səbəb olub.
