"Real Madrid"in prezidenti Florentino Peres İspaniya Superkubokunun finalında "Barselona"ya məğlubiyyətdən (2:5) sonra kəskin addımlar atmağa hazırlaşır.
Fanat.Az xəbər verir ki, məlumatı "Defensa Central" yayıb.
Mənbənin məlumatına görə, klub rəhbəri bəzi futbolçuların, xüsusilə Lukas Vaskesin müdafiənin sağ cinahındakı çıxışından məyus olub. Peres onun müqaviləsini yeniləməmək qərarına gəlib. Klub prezidenti "Liverpul"un müdafiəçisi Trent Alexander-Arnold ilə müqavilənin imzalanmasını tezləşdirməyə çalışır.
İspaniya Superkubokunun finalında "Real Madrid" üzərində inamlı qələbə qazanan "Barselona" matçı 5:2 hesabı ilə qalib başa vurub. Oyun yanvarın 12-də Səudiyyə Ərəbistanının Ciddə şəhərində baş tutub. Bu qələbə "Barselona"nın İspaniya Superkuboku tarixində 15-ci qələbəsi olub və onu turnirin rekordçusu edib.
Trentin "Liverpul" ilə müqaviləsi 2025-ci ilin yayında başa çatır. Klubu ona 78 milyon funt-sterlinq dəyərində 5 illik müqavilə təklif edib ki, bu da həftədə təxminən 300 min funt-sterlinqə bərabərdir.
Mirağa
