"Neftçi" daha bir legionerə təklif göndərib.
"Ağ-qaralar" bu dəfə Portuqaliya 2-ci liqasına üz tutub.
"Operativ Media" Sport24.az-a istinadən xəbər verir ki, "Neftçi" portuqaliyalı Leo Teyşeyranı "rənglərinə bağlamaq" istəyir.
Paytaxt təmsilçisi Portuqaliya 2-ci Liqasında mübarizə aparan "Felqeyraş"ın formasını geyinən sol vingeri sıralarında görmək istəyir.
25 yaşlı futbolçu hücumun sağ cinahında da oynamağı bacarır.
Qeyd edək ki, Leo Teyşeyra karyerası ərzində ancaq Portuqaliyada çıxış edib. O, cari mövsümdə komandasının heyətində 2-ci Liqada 16 oyuna çıxıb və 4 qol vurub
