QHT.AZ platforması, "Bakı QHT Resurs və Təlim Mərkəzi" İctimai Birliyinin sədri Rauf Zeynini 65 illik yubileyi münasibətilə təbrik edib.
QHT.AZ Vətəndaş Cəmiyyəti Şəbəkəsi "Bakı QHT Resurs və Təlim Mərkəzi" İctimai Birliyinin sədri Rauf Zeynini vətəndaş cəmiyyətinin inkiafında xidmətlərinə görə və anadan olmasının 65 illik yubileyi münasibətilə Fəxri Fərmanla təltif edib.
Bu gün platformanın təsisçisi və rəhbəri Cəsarət Hüseynzadə, "Bakı QHT Resurs və Təlim Mərkəzi" İctimai Birliyinin sədri Rauf Zeynini ziyarət edərək Fəxri Fərmanı ona təqdim edib. Cəsarət Hüseynzadə Rauf Zeynini ötən dövrdəki ictimai fəaliyyətinə görə yüksək qiymətləndirib, ona ictimai fəaliyyətində daha da böyük nailiyyətlər arzulayıb.
Görüş zamanı fikir mübadiləsi aparılıb. Rauf Zeyni, QHT.AZ platformasına göstərilən diqqətə görə təşəkkür edib. Cəsarət Hüseynzadə bildirib ki, QHT.AZ platforması, vətəndaş cəmiyyəti nümayəndələrinin fəaliyyətinin qiymətləndirilməsi və ictimaiyyətə çatdırılmasını öz fəaliyyətinin vacib seqmenti hesab edir.
