İşğalçı İsrail ordusunun 200-ə yaxın hərbçisi Qəzzada atəşkəs imzalanmayacağı təqdirdə xidmətdən imtina edəcəkləri barədə açıq məktub yayıblar.
"AzPolitika" xəbər verir ki, bu barədə “Associated Press” xəbər verir.
Məktubu imzalayanlardan biri - 2023-cü ilin noyabrından zirehli korpusda zabit kimi xidmət edən İsrail hərbi zabiti Yotam Vilk deyib ki, o, əvvəlcə güc tətbiqinin HƏMAS-ı danışıqlar masasına oturmağa məcbur edə biləcəyini düşünüb, lakin “müharibə uzanıb”.
“Müharibə cinayəti törətmişik və buna görə təəssüflənirəm. Qəzzada döyüşməkdən imtina edirik. Qəzzada gördüklərimizi qəbullanmaq uzun vaxt aldı. Hərbçilər hədiyyəlik əşya toplamaq üçün evləri qarət etdi”, - deyə o, bildirib.
Yotam Vilk bildirib ki, məktubu imzalamaq qərarına ən böyük təsir yeniyetmənin ölümü olub.
“O, daha böyük bir hekayənin bir hissəsi kimi öldü. Bizi fələstinliləri insan kimi qəbul etməməyə məcbur edən siyasətin bir hissəsi kimi”, – AP onun sözlərindən sitat gətirir.
Qeyd edək ki, son günlər İsrail və HƏMAS nümayəndələri arasında vasitəçilərin iştirakı ilə Qəzzada atəşkəslə bağlı intensiv danışıqlar aparılır.
