ABŞ-ın yeni seçilmiş prezidenti Donald Tramp Avropa İttifaqı ölkələrindən olan tərəfdaşları ilə söhbətində elə təəssürat yaradıb ki, o, Ukraynanı Rusiya ilə vaxtından əvvəl danışıqlara getməyə məcbur etmək niyyətində deyil.
Poliqon xəbər verir ki, bu barədə adını açıqlanmayan avropalı rəsmilər Bloomberg-ə bildiriblər.
Agentlik yazır ki, eyni zamanda onun həmsöhbətlərində belə bir hiss yaranıb ki, respublikaçı Ukraynanın taleyi ilə maraqlanmır və ya Rusiya-Ukrayna münaqişəsinin ABŞ üçün “strateji əhəmiyyətini” dərk etmir.
Bloomberg mənbələrinə görə, avropalı tərəfdaşlar şəxsi söhbətlərində Donald Trampı Ukraynaya gələcək dəstəyin zəruriliyinə inandırıblar. Seçilmiş prezidentin komandası, Aİ ölkələrinin nümayəndələrinin fikrincə, iki arqumentə ciddi yanaşır: Kiyevə yardımdan imtina etməklə ABŞ administrasiyası “alçaldılma riski daşıyır” və Rusiyaya qələbə qazandırmaqla Çini “daha aqressiv addımlar atmağa sövq edəcək”.
Donald Trampın komandası hələ də sülh planı variantlarını nəzərdən keçirdiyinə görə, onun 20 yanvarda andiçmə mərasimi keçirildiyi andan həyata keçirilməsi üçün hələlik heç bir strategiya yoxdur. Eyni zamanda, Tramp münaqişənin həllinə imkan verəcək “əsrin sövdələşməsinə” nəzarət etmək niyyətindədir, mənbələr bildiriblər.
Bloomberg-in həmsöhbətləri bildiriblər ki, Ukraynanın NATO-ya üzvlüyü yaxın gələcəkdə nəzərdən keçirilməyəcək, lakin Kiyev üçün təhlükəsizlik təminatlarının nəzərə alınması zərurəti hələ də müzakirə olunur.
Bu müzakirələr fonunda Donald Trampın komandası elan edir ki, respublikaçıların Rusiya prezidenti Vladimir Putinlə görüşü və yaxın vaxta planlaşdırılan telefon danışığına hazırlıqlar “tam sürətlə” gedir. Kreml görüşün təşkilinə başlamağa hazır olduğunu bildirib, lakin “mövzuya hazırlıq” faktını inkar edir.
Samir
