NATO fevralın 10-dan 21-dək Rumıniya, Bolqarıstan və Yunanıstanda “Steadfast Dart” hərbi təlimləri keçirəcək.
KONKRET.az xəbər verir ki, bu barədə İspaniyanın “El Pais”qəzeti məlumat verib. Məlumatda deyilir:”Məqsəd sülh dövründə NATO-nun cənub-şərqində Müttəfiqlərin Çevik Reaksiya Qüvvələrinin operativ yerləşdirilməsi və gücləndirilməsini sınaqdan keçirməkdir”. “El Pais” qeyd edir ki, NATO-nun şərq bayrağı altında olan ölkələrdə xüsusi təlimlər keçiriləcək. Madrid quruda, dənizdə və havada keçiriləcək manevrlərə üç minə qədər hərbçisini cəlb etmək niyyətindədir. Bundan əvvəl məlum olmuşdu ki, “Steadfast Dart”-da alyansın müttəfiqi olan doqquz ölkədən on minə yaxın hərbçi, o cümlədən hava, quru, dəniz və xüsusi təyinatlılar iştirak edəcək.
Vəli Həsənoğlu,
KONKRET.az
