Qazaxıstanda “Gələcəyin oyunları”na hazırlıq işləri başlayıb

Astana, 15 yanvar, AZƏRTAC

Qazaxıstanda “Gələcəyin oyunları” turnirinə hazırlıqla bağlı Direktorluq yaradılıb.

AZƏRTAC Qazaxıstanın Turizm və İdman Nazirliyinin mətbuat xidmətinə istinadla xəbər verir ki, yeni qurumun əsas vəzifəsi 2026-cı ildə Astanada “Gələcəyin oyunları” adlı böyük beynəlxalq idman tədbirinin təşkili və keçirilməsidir.

Xatırladaq ki, ötən il oktyabrın 13-də Dubay şəhərində (BƏƏ) keçirilən rəsmi mərasimdə Qazaxıstan ənənəvi idman növləri və kiberidmanı birləşdirən unikal turnirin - “Phygital Games of the Future 2026” yarışlarının keçirilməsi məkanı kimi seçilib.

Qazaxıstan bu turnirə ev sahibliyi etmək üçün yarışda Peru və Çilini geridə qoyaraq 2026-cı ildə “Gələcəyin oyunları” turnirinə ev sahibliyi etmək hüququ qazanıb.