İran prezidenti Məsud Pezeşkian ötən il ABŞ-da seçki kampaniyası zamanı Donald Trampa qarşı sui-qəsd təşkil etmələri ilə bağlı iddiaları rədd edərək, bunun “anti-İran əhval-ruhiyyəsini qidalandırmaq üçün” irəli sürüldüyünü deyib.
Turkustan.az xəbər verir ki, Pezeşkian Amerikanın NBC kanalına verdiyi müsahibədə Trampa qarşı sui-qəsd cəhdləri, ABŞ-İran münasibətləri və İsrailin hücumları ilə bağlı açıqlamalar verib.
İranın keçən il seçki kampaniyası zamanı Trampı “öldürməyə cəhd etdiyi” iddialarını rədd edən Pezeşkian, “İran nə heç kimə sui-qəsd cəhdi etməyib, nə də bunu planlaşdırır” deyib.
İran ümid edir ki, Tramp regional və dünya sülhünə töhfə verəcək
ABŞ-ın əvvəldən İran hökumətini “devirməyə” çalışdığını qeyd edən Pezeşkian, “Ümid edirəm ki, Tramp regional və dünya sülhünə töhfə verəcək, qan və müharibəyə səbəb olmayacaq” deyə, bildirib.
Aytən Yaşar/ Turkustan.az
