Azərbaycan birinciliyi bizim üçün xüsusi önəm kəsb edir.
"Operativ Media" xəbər verir ki, bunu jurnalistlərə açıqlamasında Azərbaycan Boks Federasiyasının baş katibi Nağı Səfərov deyib.
"Bu yarış bizim üçün xüsusi önəm kəsb edir. Bu yarışda medal qazanan idmançılar yığmanın heyətinə düşəcəklər. Ordan da yığmada bir nömrəli idmançı statusu qazanıb qarşıdan gələn həm beynəlxalq turnirlər, həm də rəsmi yarışlarda iştirak edəcəklər.
O, hədəflərinin gənclər arasında Avropa birinciliyini qazanmaq olduğunu bildirib.
Bu il gənclər arasında Avropa birinciliyi var və əsas hədəfimiz bu il gənclər arasında Avropa birinciliyini qazanmaqdır. Bundan başqa növbəti il, 2026-cı ildə Seneqalda gənclər arasında Olimpiya oyunları keçiriləcək. Orada da bildiyiniz kimi boks idman növü proqrama daxil olunubdur. Düşünürəm ki, burada iştirak eləyən boksçulardan orada da iştirak etmək hüququ qazanan idmançılar olacaqdır. Gələcəkdə də, bu yarışda iştirak edən boksçular iki ildən sonra böyüklər kateqoriyasında mübarizə aparacaqlar. Bu səbəbdən bu yarış bizim üçün çox böyük əhəmiyyət daşıyır".
