Bakı/04.02.23/Turan: Fevralın 4-də Qızıl Xaç Komitəsinin maşınları ilə Qarabağdan Ermənistana 6 erməni xəstə aparılıb. Bu barədə Ermənistan KİV bildirib. Dekabrın 12-dən sonra Qarabağdan Ermənistana aparılan xəstələrin ümumi sayı 70 nəfərdir.
Eyni zamanda, fevralın 4-də Rusiya sülhməramlılarının yük maşınları Ermənistandan Qarabağa müxtəlif humanitar yük və ərzaq məhsulları gətiriblər.
Şuşa şəhəri yaxınlığındakı buraxılış məntəqəsini keçərkən hər hansı insident və ya maneələr olmayıb. 55-ci gündür ki, Azərbaycanın vətəndaş fəalları burada aksiya keçirirlər. 02B
