İtaliyanın ANSA agentliyinin xəbərinə görə, İtaliyanın baş naziri Giorgia Meloni bu gün sədrlik etdiyi Nazirlər Şurasında Avropa İttifaqının (Aİ) sərhəd mühafizə agentliyi Frontex-in 2024-cü il məlumatları ilə bağlı qiymətləndirmələr edib.
“BU, mütləq İTALİYANIN GÖRDÜĞÜ TƏDBİRLƏRİN NƏTİCƏSİDİR”
Frontex-in 2024-cü il məlumatlarının nizamsız immiqrant girişlərinin 2021-ci ildən bəri ən aşağı səviyyəyə düşdüyünü göstərdiyini ifadə edən Meloni, "Bu azalma Mərkəzi Aralıq dənizi marşrutu üzrə gələnlərin kəskin azalması, xüsusən Tunis və Liviyadan gedənlərin xeyli azalması ilə bağlıdır",- deyə qeyd edib.
"Eyni şəkildə, digər marşrutlardan Aİ-yə qeyri-qanuni girişlərin ümumi azalması hökumətimizin son illərdə başlatdığı işin nəticəsidir və əla nəticələr verir", - Meloni bildirib.
İtaliya Daxili İşlər Nazirliyinin məlumatına görə, ölkəyə dəniz yolu ilə gələn qeyri-qanuni mühacirlərin sayı 2023-cü ildə 157 min 651 ikən, 2024-cü ildə bu rəqəm 66 min 617-yə enib.
