İsrail və HƏMAS arasında atəşkəs razılaşması əldə olunub.
Heftelik.az-ın xəbərinə görə, bu barədə Misirin “Al Qahera News” mənbəsinə istinadən məlumat yayıb.
Qeyd edilib ki, vasitəçilərin səyləri nəticəsində Qəzzada Fələstin xalqının iztirablarına son qoyacaq razılıq əldə olunub.
Reuters-in məlumatına əsasən, hələ rəsmi olaraq elan olunmayan razılaşma altı həftəlik ilkin atəşkəs, İsrail qoşunlarının Qəzzadan tədricən çıxarılmasını və HƏMAS tərəfindən saxlanılan girovların azad edilməsini nəzərdə tutur.
“Al Jezeera” isə bildirir ki, atəşkəs razılaşmasının birinci mərhələsində 33 israilli girov azad ediləcək. İsrail 250-yə yaxın fələstinli məhbusu həbsxanalardan azad edəcək və qüvvələrini Qəzza zolağının sərhədlərindən 700 metr məsafəyə geri çekəcək.
Qeyd edilir ki, razılaşma ABŞ-ın dəstəyi, Misir və Qətərin vasitəçiliyi ilə aylarla davam edən danışıqlardan sonra əldə edilib və yanvarın 20-də ABŞ-nin yeni seçilmiş Prezidenti Donald Trampın andiçmə mərasimindən bir qədər əvvəl əldə olunub.
