ASTA ilə Azərbaycan I Liqasında çıxış edən "Mingəçevir” klubu arasında tərəfdaşlıq müqaviləsi imzalanıb. Futbolun İnkişaf Fondunun (FİF) vasitəçiliyi ilə "Fairmont Baku Flame Towers”də baş tutan tədvirdə ASTA-nın prezidenti Rafael Bunyatov, FİF-in icraçı direktoru Tural Piriyev, "Mingəçevir”in İdarə Heyətinin sədri Nurlan Əhmədov və digər rəsmi şəxslər iştirak ediblər.
"Mingəçevir”ə dəstək olmaqla bölgədə idmanın inkişafına töhfə vermək istədiklərini deyən prezidentimiz Rafael Bunyatov klubla bağlı planlardan söz açıb. Tural Piriyev isə bölgə təmsilçisinə dəstək olduğu üçün ASTA-ya təşəkkür edib.
