ABŞ-ın vitse-prezidenti Kamala Harris prezident Co Baydenin seçki yarışında qalsaydı Donald Trampa qalib gələ biləcəyi barədə dediyi son sözlərdən narahat olub...
Poliqon xəbər verir ki, vu barədə "The Wall Street Journal" (WSJ) qəzetinə Harris-ə yaxın mənbələr məlumat verib.
8 yanvar tarixində keçirilən müsahibə zamanı Co Baydendən soruşulub ki, prezident seçkilərində qələbə qazana bilərdimi? O, bu suala belə cavab verib: "Belə demək iddialı səslənə bilər, amma düşünürəm ki, bəli, bunu sorğular əsasında deyirəm".
Bir neçə gün sonra o, yenidən qələbə qazana biləcəyini vurğulayıb və əlavə edib ki, Kamala da Trampa qalib gələ bilərdi.
Harrisə yaxın mənbələr WSJ-yə bildirib ki, Co Baydenin bu ifadələri onların münasibətlərində "tərəfli sədaqət" olduğunu göstərir. Qəzet qeyd edir ki, Kamala Harris prezidentlik dövrü ərzində bir dəfə də olsun Co Baydeni tənqid etməyib və hətta debatlarda zəif çıxış etdikdən sonra onu açıq şəkildə dəstəkləyib.
Co Bayden seçki yarışından çıxmaq qərarını seçki gününə yüz gündən az müddət qalmış açıqlamışdı. Onun yerini tutan Kamala Harris isə seçki qələbəsi üçün lazım olan 270 seçici səsini toplaya bilməmişdi. Nəticədə Donald Tramp 312 seçici səslə ABŞ-ın yeni prezidenti seçilmişdi, Harris isə 226 səs toplamışdı.
Poliqon.info
