Premyer Liqadakı yerini itirmək istəməyən "Kəpəz" qış fasiləsində növbəti transferini rəsmiləşdirəcək.
İdman.biz Sports.az-a istinadən xəbər verir ki, Gəncə təmsilçisi İtaliyanın "Breşiya" klubunda çıxış edən Trent Buhaqyar ilə anlaşıb.
Buhaqyar Avstraliyada dünyaya gəlib, bu ölkənin U-23 millisinin şərəfini qoruyub.
2019/2020 mövsümündə "Sidney"in heyətində A-Liqanın çempionu olub.
27 yaşlı futbolçu B Seriyası təmsilçisindən öncə yalnız öz ölkəsinin klublarında ("Sentral Kost Mariners", "Sidney", "Nyukasl Yunayted Cets") forma geyib.
Maltaəsilli oyunçu ötən ilin oktyabrında bu ölkənin millisində debüt edib.
Qeyd edək ki, Buhaqyar sağ vingerdi, amma mərkəz hücumçusu və sol vinger kimi də oynamağı bacarır.
İdman.biz
