Bakı, 16 yanvar, AZƏRTAC
Şərqdə istehsal edilib, qərbə daşınan malların 4 faizi Türkdilli dövlətlərin ərazisindən keçir. 96 faiz isə dəniz və hava yolları ilə daşınır. Bu da Türkdilli dövlətlərin yüksək potensialını göstərir.
AZƏRTAC xəbər verir ki, bunu Türk Dövlətləri Təşkilatının Gömrük Administrasiyaları Rəhbərlərinin 10-cu iclasında Türkiyə ticarət nazirinin müavini və Gömrük Administrsiyasının rəhbəri Sezai Uçarmak deyib.
Onun sözlərinə görə, məhsulların əsas hissəsi dünyanın şərqində istehsal edilir, qərbində isə istehlak edilir.
