Kəngərli rayonu, Böyükdüz kəndi ərazisində hərbi sursatlar aşkar edilib.
Herbiand.az xəbər verir ki, məlumatla əlaqədar dərhal Naxçıvan Muxtar Respublikası Fövqəladə Hallar Nazirliyinin pirotexnikləri hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların döyüş tətbiqinə yararlı 28 ədəd 7.62 mm-lik təlim mərmisi, 6 ədəd 7.62 mm-lik mərmi, 1 ədəd 5.45 mm-lik təlim mərmisi və 1 ədəd 30 mm-lik BMP mərmisi olduğu müəyyən edilib. Sursatlar pirotexniklər tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
