İmişlidə qətl – Həmkəndlisini ÖLDÜRDÜ

İmişli rayonunda baş verən qətl hadisəsi ilə bağlı ilkin məlumatlar açıqlanıb. Hadisə Sarxanlı kəndində qeydə alınıb.

Bizim.Media-nın yerli bürosu xəbər verir ki, kənd sakini Fərid Allahverdiyev həmkəndlisi Vüsal Allahverdiyevə bıçaqla xəsarət yetirib. Vüsal Allahverdiyev aldığı yaralardan xəstəxanada dünyasını dəyişib.

Fərid Allahverdiyev hüquq-mühafizə orqanları tərəfindən saxlanılıb və hadisə ilə bağlı İmişli Rayon Prokurorluğu araşdırma aparır. Qətlin motivləri və hadisənin təfərrüatları araşdırmalardan sonra bəlli olacaq.

Sabutay, Bizim.Media

• Qətl
• Xəsarət
• Bıçaq
• Hüquq-Mühafizə
• İmişli
• Fərid Allahverdiyev
• Vüsal Allahverdiyev