"Napoli"nin idman direktoru Covanni Manna Xviça Kvaratsxeliyanı PSJ-yə satmaqlarını şərh edib.
QOL.az "Sky Sports"a istinadən xəbər verir ki, o, 23 yaşlı yarımmüdafiəçinin özü bu keçidi "Napoli"dən istəyib:
“Məşqçi komandanı yaxşı hazırlamışdı. Biz belə bir inkişafa hazır idik. Hamı başa düşür ki, önəmli futbolçu klubu tərk edir. Xviçanın özü transfer xahişi ilə bizə müraciət etdi. Böyük futbolçular gəlib-gedirlər, amma biz işləməyə davam edirik”.
Qeyd edək ki, PSJ yanvarın 17-də Kvaratsxeliya ilə 2029-cu ilin yayınadək müqavilə imzaladığını açıqlayıb. Mətbuatda PSJ-nin Kvaratsxeliya üçün 70 milyon avro ödədiyi yazılıb.
2022-ci ildən “Napoli”də forma geyən Kvaratsxeliya cari mövsüm bütün turnirlər nəzərə alınmaqla 19 matçda forma geyib, 5 qol vurub və 3 dəfə məhsuldar ötürmə müəllifi olub.
