Avropa Liqasının Liqa mərhələsinin 7-ci turunda keçiriləcək "Qarabağ" - FCSB (Ruminiya) matçı üçün hakim təyinatları açıqlanıb.
Teleqraf.com UEFA-nın saytına istinadən xəbər verir ki, oyunu Slovakiyadan olan hakimlər briqadası idarə edəcək.
Referi Filip Qlova olacaq. Ona yan xətt hakimləri qismində Daniel Polacek vəPeter Bednar köməklik göstərəcəklər. Dördüncü hakim funksiyasını isə Lukaş Dzivjak yerinə yetirəcək.
Qeyd edək ki, yanvarın 23-də, Tofiq Bəhramov adına Respublika Stadionunda keçiriləcək "Qarabağ" -FCSB matçı saat 21:45-də start götürəcək.
Müəllif: Teleqraf.com
