"Real Madrid"in hücumçusu Kilian Mbappe ünvanına yönələn tənqidlərin ona necə təsir etdiyini açıqlayıb.
Fanat.Az xəbər verir ki, fransalı ulduzun sözlərini tanınmış insayder Fabritsio Romano şəxsi "X" hesabı üzərindən belə çatdırıb:
"İndi özümü əla hiss edirəm. "Real"a gələndən bəri ən yaxşı formam indikidir. Çox sakitəm. Tənqidləri normal qəbul edirəm. İnsanlar neqativ şeylər danışanda sakitliyi qorumaq və irəli addımlamaq lazımdır".
Cari mövsüm bütün turnirlərdə 29 oyuna çıxan Mbappe 17 qol və 3 məhsuldar ötürmə ilə yadda qalıb. Onun İspaniya nəhəngi ilə müqaviləsinin müddəti 2029-cu ilin yayına qədər nəzərdə tutulub. "Transfermarkt" portalı Kilianın transfer qiymətini 160 milyon avro ilə dəyərləndirir.
Nihat
