Daşkəsəndə iki nəfərin ölümü ilə nəticələnən yol qəzası baş verib.
Sfera.az xəbər verir ki, hadisə rayonun Qaraqollar kəndi yaxınlığında qeydə alınıb.
Belə ki, Mədənçilər qəsəbə sakini, 1967-ci il təvəllüdlü Həsənov Fəxrəddin Nəsrəddin oğlu idarə etdiyi “Ural” markalı yanacaqdaşıyan avtomobili aşırıb. Nəticədə sürücü və sərnişin, Laçın rayon Şəlvə kənd sakini, 1988-ci il təvəllüdlü Səmədov Orxan Ağalar oğlu ölüb.
Əraziyə rəsmi qurumlar cəlb olunub.
Faktla bağlı araşdırma başlanılıb.
