Qırğızıstan prezidenti Sadır Japarov vətəndaşların ictimai yerlərdə üzünü örtən geyimdə görünməsini qadağan edən qanunu imzalayıb.
NOCOMMENT.az xəbər verir ki, müvafiq məlumat respublika Prezidentinin rəsmi saytında yerləşdirilib.
Bundan əlavə, yeni qanun qocalar evlərində, koloniyalarda və hərbi hissələrdə inancın tətbiqini və dini mərasimlərin keçirilməsini qadağan edir. Dövlət həmçinin ictimai yerlərdə, təhsil müəssisələrində və qapı-qapı gəzərkən dini ədəbiyyatın yayılmasına məhdudiyyət qoyur. Dini zəmində siyasi partiyaların yaradılması da qadağandır. Bu qaydaların pozulması 20 min som (təxminən 22 min rubl) məbləğində cərimə ilə nəticələnəcək.
Qeyd edək ki, dekabrın sonunda Qırğızıstan parlamenti vətəndaşların şəxsiyyətini müəyyənləşdirməyi çətinləşdirən geyim geyinməyə görə cərimənin tətbiqini təsdiqləyib.
