Sədr qeyd edib ki, qanun qadağan etdiyi hallarda belə Azərbaycanda qeydiyyata alınmış müəyyən ticarət markaları bəzən istehlakçıların hüquqlarını pozurlar, onları aldatmaq üçün müəyyən marketinq həyata keçirirlər: “Məsələn, bizim ofisimizdə üzərində arı şəkli olan ballar var ki, arı ilə heç bir əlaqəsi olmayan naməlum paraşoklardan əmələ gəlib. Ölkədə neçə ildir süni kürü satılır. Xarici ölkələrdən gələnlər Azərbaycanı “kürü ölkəsi” hesab edirlər, ucuz qiymətə alırlar. Azad İstehlakçılar Birliyi çox çətinliklə onun üzərindən nərə balığının şəklini yığışdırmağa nail oldu. Lakin Rusiyadan bu cür süni kürülər gətirilir. İlk baxışda, hətta yeyəndə belə onu ayırd etmək çox çətindir”. E.Hüseynov tövsiyə edib ki, xüsusən ərzaq dükanlarında insanlar bu zülallarla rastlaşanda mütləq dövlət orqanlarına məlumat versinlər: “Qida Təhlükəsizliyi Agentliyi daim etiket məlumatları ilə malın tərkibini, araşdırma işini aparır və bu sahədə xeyli irəliləyiş var. Qida Təhlükəsizliyi Agentliyinin 1003 qaynar telefon xətti ilə məlumat verə bilərlər. Sənaye mallarında da belə problemlər var. Məsələn, İvanovka kəndinin Azərbaycanda üç dükanı var, lakin Bakıda iyirmiyə qədər “İvanovka” adlı dükan mövcuddur. Belə hallarda isə vətəndaşların İqtisadiyyat Nazirliyinin 195 qaynar telefon xəttinə məlumat vermələrini tövsiyə edirəm”. Sevinc İbrahimzadə / Metbuat.az
