UEFA Avropa Liqasının Liqa mərhələsinin 8-ci turunda “Qarabağ”ı qəbul edəcək “Olimpiakos”un futbolçularına böyük mükafat vəd edilib.
Tribunainfo.az xəbər verir ki, bunun üçün Yunanıstan təmsilçisi Azərbaycan çempionunu məğlub yola salmalıdı.
Bu barədə Pirey klubunun prezidenti Evangelos Marinakis “Panatinaikos”la çempionat matçından sonra məşqçi və futbolçu heyəti ilə danışarkən bildirib. Marinakis cümə axşamı keçiriləcək qarşılaşmanın həm özü, həm də azarkeşlər üçün böyük məna kəsb etdiyini qeyd edib.
O, “Olimpiakos”un üzvlərinin bu görüşdə bütün güclərindən istifadə etməli olduqlarını vurğulayıb. Marinakis komanda üzvlərinə “Qarabağ”ı məğlub edəcəkləri halda, böyük bonus qazanacaqlarına dair söz verib.
Qeyd edək ki, yanvarın 30-da reallaşacaq “Olimpiakos” – “Qarabağ” görüşü Bakı vaxtı ilə saat 00:00-da başlayacaq.
