Ajans.az xəbər verir ki, Bitcoin qiymətindəki bu yeni yüksəlişlə analitiklər yeni zirvələrə doğru qiymət kəşfinin ikinci dalğasının başlayacağını proqnozlaşdırırlar.
Analitiklər tarixin təkrarlanacağını və Bitcoin-in qısa müddətdə yeni zirvələrə çatacağını proqnozlaşdırır. Kriptovalyuta bazarının aparıcı vahidi olan bitkoin qısamüddətli enişdən sonra yenidən 100 min dolların üzərinə çıxmağı bacarıb.
Kriptovalyuta analitiki "Rekt Capital" 28 yanvar tarixli qiymətləndirməsində Bitcoin-in ilk qiymət kəşfi rallisini və sonrakı korreksiya prosesini tamamladığını bildirib. Keçmiş dövrlərə əsaslanaraq, analitik növbəti iki həftə ərzində ikinci yüksəliş trendinin başlaya biləcəyini proqnozlaşdırır.
Tarixi məlumatlara diqqət çəkən analitik 2017 və 2021-ci illərdə də oxşar qanunauyğunluğun müşahidə olunduğunu vurğulayıb. Hər iki dövrənin 16-cı həftəsində yeni zirvələrə çatıldığını xatırladan ekspert, hazırda 2025-ci il dövrünün 14-cü həftəsində olduğumuzu və fevralın ortalarına kimi yeni yüksəliş dalğasının başlaya biləcəyini bildirdi.Orta hesabla 300 gün davam edən bu sikllərin 82-ci günündə olduğumuzu bildirən analitik, Bitcoin-in hələ də “parabolik faza” adlanan ilkin mərhələdə olduğunu qiymətləndirib.
Bu inkişaflarla yanaşı, Jim Cramer-in Bitcoin investisiyasını dəstəkləyən açıqlamaları kriptovalyuta cəmiyyətində narahatlıq yaradıb. Mad Money proqramında "Bitcoin, portfelinizdə olması lazım olan böyük bir investisiyadır" deyən Cramerin dəyişkən fikirləri bazarda ümumiyyətlə mənfi reaksiyalar verir. Kriptovalyuta bazarının ümumi dəyəri bir qədər azalaraq 3,65 trilyon dollar olub. Bu azalma altkoinlərin bərpa prosesində çətinlik çəkdiyini göstərir. Ethereum 3036 dollara düşdükdən sonra 3200 dollar səviyyəsini yenidən sınaqdan keçirsə də, bu ay itkiləri 6 faizi ötüb. Kriptovalyuta bazarlarının digər altkoinlərindən biri olan XRP 3-dollar səviyyəsini bərpa edib.
