Rusiyanın genişmiqyaslı işğalı başlayandan bəri Ukrayna qoşunları 30-a yaxın Mərkəzi Asiya vətəndaşını əsir götürüb.
Bu barədə Ukraynanın ədliyyə naziri Olqa Stefanişina məlumat verib.
"Hərbi əsirlərin vətəndaşlığı haqqında məlumat çox vaxt onların sözlərindən müəyyən edilir, çünki bunu təsdiq edən sənədlər əksər hallarda yoxdur", - Stefanişina qeyd edib.
Bundan əlavə, Ədliyyə Nazirliyindən bildirilib ki, “həbs yerlərində və düşərgələrdə saxlanılan hərbi əsirlərin vətəndaşlığından asılı olmayaraq, həm beynəlxalq, həm də milli hüquqi aktlarda təsbit olunmuş hüquqi statusu eynidir”.
“Hərbi əsirlərin vətəndaşlığı, o cümlədən ikili vətəndaşlıq heç bir halda onun hüquqi statusuna təsir etmir”, - Ədliyyə Nazirliyi əlavə edib.
Xatırladaq ki, Ukrayna Rusiya əsirliyindən daha 25 vətəndaşını geri qaytarıb. Həmçinin məlumat verilib ki, məhbus mübadiləsi üçün ayrıca formata nail olmaq mümkün olub, bu format çərçivəsində ağır bədən xəsarətləri və xəstəlikləri olan şəxslərin azadlığa buraxılmasına üstünlük verilir.
Oxuməni.az
