"Hizbullah" raket bazasını Livana təhvil verib - VİDEO

Bu barədə Səudiyyə Ərəbistanın "Al-Arabiya" dövlət xəbər telekanalı məlumat yayıb. Bildirilir ki, "yük maşınlarının keçə biləcəyi dərəcədə böyük tunellərə malik" baza Livan Ordusunun nəzarətinə buraxılmazdan qabaq tamamilə boşaldılıb, bütün ağır texnika götürülüb.

Xatırladaq ki, "Hizbullah" terrorçuları ötən ilin avqustunda sözügedən bazada təbliğatvideosuçəkib paylaşaraq "öz gücünü göstərməyə" çalışmışdı. Sentyabrın 27-də isə İsrail Silahlı Qüvvələri genişmiqyaslıəməliyyatbaşlatmış, İranın dəstəklədiyi terror təşkilatının ali rəhbərlərini, o cümlədən Baş katib Həsən Nəsrullahı zərərsizləşdirmişdi.

pic.twitter.com/j2QscuCYzs

January 28, 2025

Digər tərəfdən, noyabrda İsrail və "Hizbullah" arasında atəşkəs sazişi imzalanmış, İsrail Silahlı Qüvvələrinin bu ölkədən çıxması üçün 60 günlük möhlət verilmişdi. Halbuki bu müddətin yanvarın 26-da qurtarması fonunda İsrail terrorçuların yenidən güc toplanmasından ehtiyatlanaraq, daha 30 gün vaxt istəyib. Münaqişənin həlli üzrə vasitəçilər: ABŞ və Fransa ilə aparılandanışıqlarnəticəsində İsrail Ordusunafevralın 18-dəkmöhlət verilib.

Firudin Həmidli
AzVision.az