Boeing 2024-cü ilin son rübündə 3,8 milyard dollar zərər edib.
Starbucks-da qlobal satışlar azaldı – Qəhvəsevərlər azalıb?
FED.az xəbər verir ki, ilin ümumi zərəri isə 11,8 milyard dollara çatıb. Şirkət son illərdə təhlükəsizlik problemləri, istehsal çətinlikləri və tətil səbəbindən ciddi maliyyə itkiləri yaşayıb.
Ötən il Boeing cəmi 348 təyyarə təhvil verib ki, bu da 2023-cü ildən xeyli azdır. Xüsusilə 737 Max modelində yaşanan problemlər və təhlükəsizlik narahatlıqları şirkətin satışlarını zəiflədib. ABŞ aviasiya qurumu istehsal məhdudiyyətləri qoyduğuna görə, yeni sifarişlər də azalıb.
Boeing-in ümumi gəliri 66,5 milyard dollar olub, bu da əvvəlki illə müqayisədə 14% azdır. Airbus isə satış və sifariş baxımından Boeing-i geridə qoyub. Şirkət maliyyə itkilərini azaltmaq və etibarını bərpa etmək üçün ciddi addımlar atmalıdır.
